هل الرسم بيساعد طفلك في تحسين ادائه الدراسي ؟ الاجابة هتفاجئك

هل الرسم مفيد للدراسة؟ كلنا بنسعى في مساعدة اولادنا على التفوق في الدراسة، لكن الحقيقة هي أن أخذ استراحات من المذاكرة وتخصيص وقت للرسم يعد أمرًا مهمًا جدًا لصحة الطفل النفسية والعقلية. الرسم مش مجرد نشاط ترفيهي، لكنه بيقوم بدور كبير في تعزيز قدرة الطفل على الاستيعاب والفهم. لما الطفل ياخد استراحة ويرسم، بيرجع للمذاكرة بنشاط وتركيز أكبر لأن عقله بيكون خد فرصة يريح فيها من ضغط المعلومات. الرسم من أفضل الأنشطة اللي بتساعد الأطفال على الاسترخاء وتنشيط عقولهم، وده بيخليهم قادرين يكملوا يومهم الدراسي بحماس. كمان المذاكرة الطويلة بتسبب الملل والضغط، وده بيأثر على قدرة العقل في استيعاب المعلومات، لكن لما الطفل ياخد استراحة ذكية بالرسم، بيقدر يرجع للمذاكرة بحالة نفسية ومزاجية أحسن. من الفوائد المهمة للرسم كمان إنه بيطور مهارات كتير عند الطفل. مثلًا، الرسم بيعزز التركيز و التفكير الإبداعي وبيساعد الطفل على التخطيط والتفكير خارج الصندوق والتعبير عن نفسه ومشاعره وأفكاره، واثبتت الدراسات ان الاطفال الذين يرسمون تتطور لديهم مهارات حل المشكلات ، وده بيساهم بشكل كبير في بناء شخصيته وزيادة ثقته بنفسه. بالإضافة لكده الرسم بيقوي الملاحظة والانتباه للتفاصيل الدقيقة، ودي مهارة مطلوبة في معظم المواد الدراسية. كمان الرسم له دور في تطوير المهارات الجسمانية زي مسك القلم بشكل صحيح والتحكم فيه، وبيعزز التناسق بين حركة العين واليد، ودي مهارة أساسية في الكتابة. ولو بصينا للمستقبل هنلاقي إن الرسم في سن مبكرة بيطور مهارات الطفل الاإبداعية اللي بتدعم مستقبله المهني، فالرسم لا يقتصر على كونه هواية ممتعة بل اصبح مهارة أساسية تفيد في مجالات مختلفة وتاهل الطفل ليكونوا لمتطلبات سوق العمل سواء بشكل مباشر أو غير مباشر. فى مجالات زي الهندسة المعمارية، تصميم الأزياء، تصميم الجرافيك، تصميم الديكور ، التصميم الصناعي، وكل الحاجات اللي بنشوفها حوالينا زى السيارات والاثاث وتصميم الشخصيات وكل التصميمات البصرية اللى بتشوفها على اى منتج ، كل ده بدأ بفكرة واسكتش مرسوم لفنان/ة قبل تنفيذه على ارض الواقع . ومن هنا بيظهر دورنا في "ارت هاوس" بمحافظة بورسعيد، اللي بنقدم من خلالها برامج تدريبية مدروسة متخصصة لتعليم الرسم للأطفال على يد مدربين محترفين. هدفنا هو تطوير مهارات الأطفال الإبداعية وتعزيز قدراتهم بطريقة ممتعة ومريحة، مع مراعاة إننا منضغطش عليهم خلال فترات الدراسة. بنكتفي بيوم واحد في الأسبوع لمدة ساعتين تقريبًا، وبنقلل المهام المطلوبة منهم خلال الفترات الدراسية أو بنخلي النشاط مقتصر على الورشة نفسها علشان نحافظ على استمتاعهم وتفاعلهم. في "ارت هاوس" احنا بنؤمن إن الرسم مش مجرد ترفيه، لكنه وسيلة ذكية بتساعد طفلك على الاسترخاء و تطوير مهاراته، وتحقيق التوازن المطلوب بين الدراسة والأنشطة اللي بيحبها. مما يؤثر بشكل إيجابي على مستقبله المهني والشخصي، وده كله بيساهم في بناء طفل سعيد ومبدع قادر يواجه المستقبل بثقة ونجاح. " الكورسات لدينا متوفرة داخل محافظة بورسعيد ومتوفرة اونلاين لجميع المحافظات الاخري"

مقالات فنية